ايه اليام ... الجزء الاول


ايه اليام ملي كنت ملياردير تا واحد مكانش اكد ازيد معايا الهدرة , كنت غا كنشرب بغيت نقول كنت غا كنضرب تصفيقة وحدة اتحط قدامي داكشي لي بغيت , اييه و كنت كنبدل الطوموبيل كل 24 ساعة , او الحوايج كانت عندي داير ليهم دار بوحدهوم قد كازا و تا قد المغرب كلها حوايج و ماشي اي حوايج و تا راه كنت كنلبس بيل كيدير شي مليار درهم مغربي تقريبا , ايوا و داري كيفاش كانت و شتي غا الطواليت كنت كنشد الطيارة باش نخرج منو و الرحلة تدوم 10 سوايع و بعض المرات كتكون كتر ايلا كينين الجوندارم , إيوا و بيت النعاس ديالي كيفاش داير تا أش غادي نقوليك و راه الحيوط مصاوبين من الالماس البني … هداك نادر متعرفوش نتا , و كان عندي واحد السرير كيفيقك من النعاس ماشي بالصداع بحال دوك الساعات ديال الجوطية لي عندك و تا راه كيفقك بالبوسان و الاحضان و تا راه متكرهش تنعس عاوتاني باش اعاود افيقك , ايوا اسيدي ملي كنوض غا كندخل بالطوموبيل ديالي فالباب ديال الكوزينة … الباب كيعرف اشنو بغا خاطرك و في اقل من رمشة عين كنلقا داكشي واجد قدامي كيتسنا , ملي كناكل و طيح ليا شي حاجا اولا اتكب شي مشروب ماشي كنزل باش نقيه كيما كدير نتا .. ايه معاك داوي , و تا راه الارض كتمص داكشي او كتخرج منو ريحة ديالو , مثلا تكب ليك عصير ديال التفاح كتخرج ريحة زوينة بحال التفاح و هكذا , ايوا غا كنكمل فطوري كنمشي ندير الرياضة فديك الغابة لي عندي فواحد القنت فالدار , كنجري ديك 5 كلم ذهابا و ايابا و اكثر ما يعجبني في تلك الغابة هي تلك الحياوانات النادرة التي اراها في بعض الاحيان , بعد الرجوع من الغابة اشرب بعض المياه ... بالطبع مياه زمزم و هل ارضى باقل منها ... التتمة في الحلقة القادمة

Share/Save/Bookmark

التعليقات

2 تعليقات “ايه اليام ... الجزء الاول”

Ĥ!bØ يقول...
20 أغسطس، 2010 8:46 م

تبارك الله تبارك الله
درتي لاباس بزربة ههه

التدوين مشروع مربح اه ^^

مصعب يقول...
20 أغسطس، 2010 9:13 م

واش غير مشروع مربح و سكتي , تا نكمل و نشوف

إرسال تعليق